Mae mwy i fywyd yn y Brifysgol nag astudio am 24 awr y dydd.

Mae'n amser gwych i ddechrau hobi newydd, cyfarfod â phobl sy'n hoffi'r un pethau â chi ac yn gyffredinol ddod yn unigolyn cyflawn sy'n arbennig ym mhob ffordd.

Gyda thros 150 o gymdeithasau, 60 o glybiau chwaraeon a phapur newydd, cylchgrawn, gorsaf radio a sianel deledu ar-lein a gaiff oll eu rhedeg gan fyfyrwyr, mae'n wir fod rhywbeth at ddant pawb yng Nghaerdydd. Peidiwch â gwastraffu eich amser yn y Brifysgol yn gwylio'r teledu yn ystod y dydd ac yn yfed te, cymerwch ran – wnewch chi ddim difaru!

Mae dwy ffordd y gallwch ymuno â chlybiau a chymdeithasau ym Mhrifysgol Caerdydd.

Ymuno Ar-lein

Os ydych eisoes yn gwybod eich bod am chwarae pêl-droed, dod yn aelod brwd o Gymdeithas Harry Potter neu ysgrifennu ar gyfer y papur newydd i fyfyrwyr, gallwch ymuno ar-lein nawr.

Ymuno yn Ffeiriau'r Glas

Fel arall, gan fod hyn oll ychydig yn newydd ac efallai nad ydych wedi penderfynu eto pa glybiau neu gymdeithasau yr hoffech ymuno â nhw, ewch draw i'r ffeiri glas canlynol i gyfarfod â'r myfyrwyr sy'n eu rhedeg. Bydd cymdeithasau gwahanol yn y ddwy ffair felly mae'n werth galw heibio ar y ddau ddiwrnod er mwyn sicrhau na fyddwch yn colli cyfle!