Dod o hyd i Dŷ
Gwasanaeth Gosod Tai Myfyrwyr Caerdydd, sef asiantaeth gosod tai yr Undeb ei hun, yw'r lle cyntaf i edrych i ddiwallu eich holl anghenion tai.
Rydym yn cynnig stop un siop i fyfyrwyr sydd am rentu tai o safon gan landlordiaid sydd ag enw da. Yn eiddo i Undeb y Myfyrwyr ac wedi'i redeg gan yr Undeb, darperir Gwasanaeth Gosod Tai Myfyrwyr Caerdydd yn rhad ac am ddim.
Mae asiantaethau gosod tai eraill yn codi ffi ar fyfyrwyr am ddod o hyd i dŷ, sy'n golygu y gall rhentu fod yn gostus. Caiff pob tŷ ei archwilio i sicrhau ei fod yn cydymffurfio â'r ddeddfwriaeth bresennol a'i fod mewn cyflwr da.
Mae ein llyfryn Canllaw i Fyfyrwyr llawn ar gael o'r swyddfa neu o'r adran lawrlwytho yn cardiffstudentletting.com.
Ar Agor
Dydd Llun i ddydd Gwener drwy gydol y flwyddyn
Ffôn: 02920 781 525
E-bost: conwayE@cardiff.ac.uk
Awgrymiadau Defnyddiol wrth Chwilio am Dŷ
- Peidiwch â brysio! Bydd gan Wasanaeth Gosod Tai Myfyrwyr Caerdydd dai newydd yn dod i mewn drwy gydol y flwyddyn felly peidiwch â mynd i banig.
- Lluniwch restr wirio o'r hyn sydd ei angen arnoch o'ch llety; rhent, lleoliad, cyfleusterau, cyflwr ac ati.
- Ewch Wasanaeth Gosod Tai Myfyrwyr Caerdydd yn gyntaf. Mae gennym lawer iawn o dai o safon ar gael ac nid ydym yn codi unrhyw ffioedd asiantaeth.
- Gofynnwch am gael gweld y contract cyn i chi ei lofnodi ac os byddwch mewn unrhyw amheuaeth, gofynnwch i'r Ganolfan Cyngor a Chynrychiolaeth edrych drosto cyn i chi ei lofnodi.
- Sicrhewch eich bod yn hapus gyda phwy y byddwch yn byw gyda nhw. Unwaith y byddwch wedi llofnodi'r denantiaeth, rydych wedi trefnu cytundeb sy'n gyfreithiol gyfrwymol na allwch ei dorri.