Cyn i Chi Ddod i Gaerdydd
Llongyfarchiadau! Yn fuan iawn, byddwch yn rhan o'r gymuned myfyrwyr yng Nghaerdydd.
Dewch i adnabod Undeb y Myfyrwyr a'r hyn y gallwn ei wneud i chi.
Dysgwch sut rydym yn cadw mewn cysylltiad â chi drwy gydol y flwyddyn ac yn rhoi'r wybodaeth ddiweddaraf i chi am beth sy'n digwydd.
Pan Fyddwch yn Cyrraedd Caerdydd
Rydych wedi cyrraedd Caerdydd, wedi ffarwelio â'ch rhieni ac eisoes wedi penderfynu rhoi'r gorau i ddadbacio. Dyma'ch cyfle i ddod i adnabod eich cartref newydd, cwrdd â ffrindiau gwych newydd, a dod i wybod beth y gallwn ei wneud i'ch helpu chi yma yn Undeb y Myfyrwyr.
Mae gennym wybodaeth ddefnyddiol am gofrestru gyda'r Brifysgol yn ogystal â phethau pwysig eraill fel cael mynediad i rwydwaith cyfrifiaduron y Brifysgol.
Bywyd yn y Brifysgol
Bydd yr ychydig flynyddoedd nesaf ymhlith blynyddoedd gorau eich bywyd ac mae llawer i'w wneud yn ystod y cyfnod byr hwnnw.
Gwyddom y gall hwn fod yn gyfnod ansicr i rai. Rydym yn rhedeg ein gwasanaeth cyngor annibynnol ein hunain felly byddwch yn cael y gofal gorau.
Mae hefyd gennym ein hasiantaeth gosod tai ein hunain i'ch helpu i ddod o hyd i dŷ pan fyddwch yn gadael Neuaddau Preswyl.
Oes angen swydd arnoch sy'n cyd-fynd â'ch astudiaethau? Ewch i'r Siop Swyddig.
Rydym hefyd yn cynnig cyrsiau a hyfforddiant sy'n sicrhau bod eich CV yn ennyn sylw pan fyddwch yn graddio.
Neu gallwch ddod yn wirfoddolwr a helpu mewn un o fwy na 35 o brosiectau lleol gwahanol.
Ar ôl Graddio
Mae'n siŵr bod graddio yn teimlo ymhell i ffwrdd ar hyn o bryd, ond nid yw byth yn rhy gynnar i feddwl am fywyd ar ôl y Brifysgol.
Mae'r farchnad swyddi yn lle hynod gystadleuol ar hyn o bryd.
Mae eich cyfnod yn y brifysgol yn gyfle gwych i roi hwb i'ch CV drwy ychwanegu cyrsiau, sgiliau a gwaith gwirfoddoli.
Mae llawer o fyfyrwyr yn mwynhau eu hunain gymaint yng Nghaerdydd fel eu bod yn penderfynu aros ar ôl y Brifysgol.
Mae gennym gyngor gwych am fyw yn y ddinas ar ôl eich cyfnod fel myfyriwr.